Camilla Vandvik
Ut på eventyr
Påskelam er eit sikkert vårtégn. Og så søte dei er! På Snurrevarden Gård er det mange dyr å kose med, og det blir egg-jakt og påskeverkstad.
Elles kan det vere ein god idé å ta med påskeegg ut i naturen for ein kjekk aktivitet for store og små. Kanskje egg fylte med godsaker er premien etter vel overstått rebus? Eventyrjakt-rebusar legg til rette for aktiv historieformidling i Skudeneshavn, Åkrehamn, Kopervik og Visnes. I Visnes er museet ope frå skjærtorsdag til 2. påskedag, 12:00-16:00. Rebusane finn du utvalde stader og digitalt her. Vikingjakt-rebus får du med museumsbilletten på Avaldsnes. Nordvegen Historiesenter er ope i påsken mandag 10.00-15.00, onsdag 10.00-16.00 og søndag 11.00-16.00.
Astrid Havn Tranøy
På Karmøy finst det mange skjulte geocacher som kan oppdagast, åleine eller saman, heile året gjennom.
Konkurrer med deg sjølv eller med andre om å nå nye mål og sank poeng på Telltur. TellTur-sesongen har oppstart laurdag 23. mars, og nye turar i år er grottesafari på Fosen og rundtur Tistreivatnet. Her kan du lese meir om årets TellTur-ar i Karmøy.
Camilla Vandvik
Naturfenomenet Dueglåp er ein flott attraksjon. I området kan du utforske holar med tøffe steinformasjonar og jettegryter. Frå Langåker kan du gå ein fin merkt rundtur via Taravika.
Panoramatoppar
Søre Sålefjell er Karmøya si høgaste topp. 132 moh er ikkje ein høgde å bli imponert over i eit fjellrikt land som Noreg, men herifrå har du likevel eit fantastisk utsyn over det meste av Haugalandet og sørover mot Kvitsøy, Stavanger og Nord-Jæren. Dei høgaste toppane i kommunen finn du på fastlandet, Tronefjell (151 moh) og Spannavarden (146 moh) er to av dei.
Informasjon og kart over turar finn du på Ut.no
Nyt ein appelsin i solveggen på fjell-hyttene Kinnebu og Røyningsbu. Frå Syreneset Fort har du panoramautsikt frå Haugesund til Stavanger.
Med appen Tilbakeblikk kan du vere med på ein digital tidsreise her – og rundt Karmøy!
Silkeføre og påskebad
«Silkeføre» kan opplevast på dei flotte sandstrendene. Flotte kyststiar går mellom Åkra-Ferkingstad og Sandve Havn-Sandvesanden,- perfekte turmål for vandring og strandaktivitetar; ein blir vel aldri for gamal for å konkurrere i strandvolley eller slottsbygging? Kanskje er dagen den rette for årets aller første bad i friske Nordsjøen.
Et påskebad frå Bade-Olena med oppvarming i saunaen er perfekt etter ein rusletur i idylliske Gamle Skudeneshavn. Påskekaffen kan inntakast i byens sjarmerande kafear. Klassisk musikk kan opplevast heile palmehelga; i Falnes kyrkje, og på Skudenes mekaniske verkstad og det Klassiske hjørnet.
Minigolfsesongen tjuvstartar på Torvastad – Med håp om strålande påskevêr held det ope alle raude dagar!
Innekos i påsken
Foto: KI Midjourney/Bjørn Erik Nordås
Og sjølv om det så klart ikkje finst dårleg ver (berre dårlege klede…) så er det også mykje moro innandørs. Karmøy folkebibliotek inviterer til påskeverkstad på Skudeneshavn filial mandag 25. mars klokka 10.00, der du kan lage påskekyllinger i kartong. Ta med godt humør! Det blir og påskegul stemning med aktiviteter på hovedbiblioteket og dei andre filialane.
Du kan og hoppe som påskeharen på Rush trampolinepark eller nyte påskesnop på Karmøy kino.
Ta ein SkulpTur - vandring i påska
Astrid Havn Tranøy
SkulpTur-vandring i Kopervik, Åkrehamn og Skudeneshavn. Opplev skulpturane i Karmøy både fysisk og digitalt! Planlegger du bypåske og vil lære meir om skulpturane me har i Karmøy? Her kan du lese meir om fleire av skulpturane som står rundt om i byane våre. Du kan sjå korte videoar om skulpturane der kunstnar og kunstformidlar Bernhard Østebø fortel om Karmøy-skulpturane, og finne fram til skulpturane ved hjelp av kunstoversikten og kart.
Meld deg på nyhetsbrev
Nyheter og informasjon om kommunens tilbud
og aktiviteter, rett i din innboks.