4 Vedlegg 2: Veteranorganisasjonar og likepersonsarbeide
Norges Veteranforbund for internasjonale operasjoner – NVIO
Norges Veteranforbund for internasjonale operasjoner – NVIO, er representert med lokalforeiningar i fleire kommunar i Norge. I vår region er det NVIO – avd. Haugalandet. Dette er ei aktiv forening som jamnleg held foredrag eller andre arrangement, enten for medlemmar eller for alle veteranar. NVIO driftar og kameratstøttetelefonen der veteranar kan ta kontakt for anonym samtale. Telefonnummer er 800 48 500.
Kameratstøtte byggjer på prinsippa til likepersonarbeidet sin definisjon: «Ei samhandling mellom personer som opplever å være i samme båt, det vil si samme livssituasjon, og hvor selve samhandlinga har som mål å være ei hjelp, støtte eller veiledning partene imellom.»
Målet med ordninga er å sikre at veteranar får tilgang til ein støttande prat med ein annan veteran. Kameratstøtte er organisert hjelp, støtte og rådgjeving gjeve til veteranar og deira familiar som treng det.
NVIO si kameratstøtteordning skal arbeide for meir openheit omkring psykisk helse – i eit samspel mellom aktivitetar, kurs, samtalar og utdanning. Dette vert gjort gjennom anerkjenning, synlegheit, samfunnsengasjement og fremjing av veteransaka.
Visjonen til NVIOs kameratstøtteordning er å bidra til en helhetlig ivaretakelse av alle veteraner og deres familier.
Kameratstøtteordninga skal jobbe med å byggje ned stigma innan psykisk helse ved å få fleire til å fortelje si historie og forsterke kameratskapen med likesinna. Målet er at kameratstøtte skal skje på alle plan, skal vere enkelt å bruke, vere ein god samtalepartner og los inn til det sivile hjelpeapparatet.
Veteranforbundet SIOPS – Skadd i internasjonale tjenester Veteranforbundet
SIOPS – Skadd i internasjonale tjenester har hovudkontor i Oslo, med eit landsdekkande likepersonsnettverk, POC (point of contact). SIOPS har hovudsakeleg fokus på skadde veteranar og deira familiar og tilbyr forskjellige meistringsaktivitetar i tillegg til rådgjeving. SIOPS har stor kompetanse på mellom anna helse, økonomi og erstatningsspørsmål.
Der finnes også fleire lokale veteranforeiningar rundt om i landet. Kommunane vert oppfordra til å bruke desse foreiningane som dei kapasitetane dei er.