1 Innleiing
Den felles veteranplanen for kommunane Utsira, Haugesund, Karmøy, Tysvær, Bokn, Sveio, Etne, Sauda, Suldal og Vindafjord skal spegle det viktige oppdraget veteranane har utført for fred og fridom gjennom sine internasjonale operasjonar.
Forsvarsdepartementet sin definisjon av Internasjonale operasjonar jfr. Stortingsmelding nr. 15 (2019– 2020) Kapittel 3:
«Internasjonale operasjoner omfatter i utgangspunktet enhver militær operasjon i utlandet som godkjennes av norske politiske myndigheter. Kjernen i en Internasjonal operasjon er bruk av militære styrker i utlandet for å skape, bevare eller gjenopprette fred og stabilitet. Dette omfatter ikke forsvar av Norge eller NATO-allierte. Videre avgrenses definisjonen mot annen tjeneste i utlandet eksempelvis deltakelse i militære øvelser og tjeneste ved stående internasjonale militære hovedkvarter og staber, og definisjonen omfatter bare operasjoner som krever bruk av militære styrker.»
Deltaking i internasjonale operasjonar med personell frå Forsvaret, Justis- og Utenrikssektoren er ein viktig del av den norske forsvars- og tryggleikspolitikken.
Våre første veteranar frå internasjonale operasjonar, slik det vert definert i dag, var soldatane i Tysklandsbrigaden. I alt tenestegjorde ca. 50.000 norske soldatar i Tysklandsbrigaden og Tysklandskommandoen, den personellmessige største operasjonen. Deretter følger UNIFIL (Libanon) med 34.000 soldatar. Dei seinare åra har mange nye veteranar kome til etter mellom anna operasjonar på Balkan, i Afghanistan og i Mali.
Det er et samfunnsansvar å ivareta veteranar frå internasjonale operasjonar. Sidan 1947 har over 100.000 nordmenn tenestegjort i internasjonale operasjonar. Dette omfattar ca. 120 operasjonar på fire kontinent. Det finnes også politiveteraner i våre kommunar, men tall på disse har vi ikke.
Denne interkommunale veteranplanen bygger på regjeringa sin oppfølgingsplan og målsettinga er å auke anerkjenninga, ivaretakinga og oppfølginga av norske veteranar.
1.1 Mål
Mål for kommunane sin veteranplan:
- Verdsetje, ivareta og følge opp veteranane og veteranfamilien, både under og etter internasjonal teneste for Norge.
- Gjere det enklare for kommunane å fylle rollen som tenesteytar for veteranane og veteranfamilien sitt behov i lokalsamfunnet.
- Auke samhandling i kommunane og medverke til at veteranar og familiar blir møtt med gjennomgåande kompetanse og forståing.
- Fungere som eit heilskapleg opplysnings- og informasjonsdokument for veteranar, kommunen og lokalsamfunnet.
- Fremje veteranane som en ressurs i dette arbeidet generelt og i skulen spesielt.
Samarbeidskommunane har kome fram til tiltak som markerar ei vidareføring av kommunane sin veteranfokus og vil fungere som ein inspirasjon til vidare arbeid for å fremje veteranane si rolle i samfunnet.