Cecilie Welde
Ambient konsert med Christian Welde
Christian Welde er komponist, musiker og produsent frå Kopervik. Han er kjent for sitt stemningsfulle og filmatiske musikalske uttrykk, der han kombinerer element frå ambient, elektronika og jazz.
Welde studerte ved Berklee College of Music i Boston og har gjennom fleire tiår gitt ut ei rekkje album og komponert musikk for film, teater og ulike medieproduksjonar. Frå studioet sitt i Kopervik har han samarbeida med både norske og internasjonale musikarar, og han har markert seg i Karmøy gjennom sitt arbeid som musikar, komponist og kulturskuleleiar.
Christian Welde kan du oppleve torsdag 17. september på Norheim kulturhus.
Kjøp billett
Den siste sigøyner - Kultursalong
Kultursalong er tilbake og Gjertruds Sigøynerorkester og Helge Jordal framfører «Den siste sigøyner», ei konsertforestilling med dikt, fortellingar, songar og musikk frå sigøyner og taterkulturen.
Jordal er ein av Noreg sine mest profilerte og særeigna skodespelarar. Han er óg ein utmerka vokalist med stor uttrykkskraft. Helge formidlar på medrivande vis, med finkjensle, autoritet og kraft.
Gjertruds sigøynerorkester er leia av Gjertrud Økland og har spesialisert seg på austeuropeisk sigøynarmusikk, særleg frå Russland, Romania og Ungarn. Ensemblet har tileigna seg musikken gjennom den munnlege tradisjonen frå sigøynarmusikarar i Budapest, mellom anna gjennom eit langvarig samarbeid med Ernest Bangó – ein anerkjend cimbalomspelar, mentor og medmusikar.
Orkesteret har òg arbeidd med ulike folkemusikk- og crossoverprosjekt saman med fleire artistar, mellom andre jiddisk musikk med Bente Kahan, tatermusikk med Elias Akselsen, norsk folkemusikk med Susanne Lundeng, sigøynarsongar på norsk med Britt-Synnøve Johansen, samt julekonsertar med Solfrid Molland, romakor, og romske gatemusikarar. Sidan 2019 har orkesteret hatt eit nært samarbeid med Helge Jordal.
Kultursalong gjennomførast i samarbeid med Karmøy Dialekt- og Mållag og Karmøy folkebibliotek, og er støtta av Norsk kulturråd og Rogaland fylkeskommune.
Kjøp billett
Forfattarbesøk med Stine Hanssen Brattland
Bli med når forfattar av boka “Innanfor. Utanfor. Men alltid autist”, Stine Hanssen Brattland, deler sin gripande historie.
Ho var målretta, talentfull og full av pågangsmot, men likevel havna ho gang på gang utanfor både i utdanning og i arbeidslivet. Først som vaksen fekk ho svaret som endra alt: diagnosen Aspergers syndrom, eller autismespekterforstyrrelse.
Stine fortel om korleis det er å leve i eit samfunn som ikkje alltid har plass til det som er annleis, om utfordringar ho har møtt og om korleis forståelse kan gjere kvardagen enklare.
Torsdag 10.september kl. 18.00 møter du forfattar Stine Hanssen Brattland på biblioteket i Kopervik. Kom og høyr ho fortelle ærleg om nederlag, sjølvinnsikt og håp.
Gratis arrangement. Les meir og legg i kalender.
Kulturprogram hausten 2026
Her kan du lese meir om kulturprogrammet i Karmøy frå kulturhusa.
Karmøy folkebibliotek sine arrangement finn du ei oversikt over her.